एचटीसी स्मार्टफोनमध्ये आता मराठीही

- वृत्तसंस्था

- Tuesday, July 17, 2012

नवी दिल्ली - स्मार्टफोन वापरणाऱ्यांसाठी आनंदाची बातमी आहे. मोबाईल उत्पादनात आघाडीवर असलेल्या एचटीसी कंपनीने त्यांच्या अँड्रॉईड प्रणालीवर चालणाऱ्या स्मार्टफोन्समध्ये आता भारतीय भाषांची जोड दिली आहे. त्याशिवाय सॅमसंग कंपनीच्या बहुचर्चित गॅलेक्सी नोटची पुढची आवृत्ती गॅलेक्सी नोट-२ येत्या ऑगस्टमध्ये बाजारपेठेत येऊन धडकण्याची शक्यता व्यक्त करण्यात येत आहे.

एटटीसीच्या यापुढे बाजारात येणाऱ्या सर्व स्मार्टफोनमध्ये हिंदी, तमिळ, बंगाली आणि मराठी भाषांची जोड देण्यात येणार आहे. या भाषांमुळे ग्राहकांना या भाषेत एसएमएस किंवा मेल वाचता आणि लिहिता येणार आहेत. चालू वर्षी या कंपनीचे स्मार्टफोन विकत घेतलेल्या विद्यमान ग्राहकांनाही या भाषा कंपनीच्या वेबसाईटवरून डाऊनलोड करून त्याचा वापर करण्याची सुविधा उपलब्ध करून देण्यात आली आहे. या भाषांचा पॅक गूगल प्लेवर उपलब्ध करून देण्यात येणार आहे, असे कंपनीचे भारतातील व्यवस्थापक फैसल सिद्दिकी यांनी सांगितले.

एचटीसी कंपनीने आतापर्यंत भारतीय बाजारपेठेत एचटीसी वन एक्स, एचटीसी वन एस, एचटीसी वन व्ही, डिझायर सी आणि डिझायर व्ही हे स्मार्टफोन्स आणले आहेत. एचटीसी एक्स्प्लोरर आयएस क्यू ४ हा स्मार्टफोन बाजारात आणताना, लवकरच आपल्या फोन्समध्ये भारतीय भाषांचीही जोड देण्यात येईल, अशी घोषणा कंपनीने केली होती. हे आश्वासन कंपनीने आता पूर्ण केले आहे.

एचटीसी वन आणि डिझायर मालिकेतील सर्व स्मार्टफोन्ससाठी कंपनीतर्फे लवकरच सॉफ्टवेअर अपडेट देण्यात येणार आहे. या अपडेटमध्ये हिंदी, मराठी आणि तमिळ भाषा असतील. त्याशिवाय येत्या ऑगस्टमध्ये बंगाली भाषा उपलब्ध करून देण्यात येणार आहे. ( सकाळमधून)

                                                                                                         Posted By

                                                                                                         ni3more

आयबॉलच्या 'अँडी'चा नवा अवतार

 मोबाईल उत्पादक कंपनी असलेल्या आयबॉल  अँडीचा नवा अवतार बाजारात आणला आहे. अधिक वेगवान आणि आत्याधुनिक वैशिष्टयांचा समावेश असलेला  अँडी ४.५ एचमध्ये एचडी डिस्प्ले आहे. तसेच ड्युअल कोअर प्रोसेसर आणि १ जीबी रॅमचा यामध्ये समावेश आहे. केवल ९.९ एमएम पातळ असलेल्या या मोबाईल मध्ये ८ मेगापिव्सल कॅमेरा आणि थ्रीजी व्हीडिओ कॉलिंगही करता येऊ शकते, असे कंपनीने म्हटले आहे . 

                                                                                                                    Posted By
                                                                                                                     ni3more

आयफोन की अँड्रॉइड

नवीन मोबाइल घेताना नेहमी प्रश्न पडतो कोणता घ्यावा ? अँड्रॉइड की आयफोन ? त्यातही महागडा फोन घ्यायचा तर गोंधळ आणखीनच वाढतो . सॅमसंग गॅलक्सी एस ३ आणि आयफोन पैकी कशाची निवड करावी ते कळतच नाही . दोन्ही त्यांच्या ठिकाणी ग्रेट आहेत , पण मग निवड कशी करायची ? तेव्हा निवड करताना सर्वात आधी पहा ते तुमचा मोबाइल ऑपरेटर . तसेच तुमच्या गरजेच्या अॅप्स आणि इतर गोष्टी कुठे आहेत तेही पहा . कारण एकदा का खरेदी झाली की स्विच करणे आर्थिक आणि मानसिक दोन्ही दृष्टीने त्रासदायक असते

आयफोन

मोठ्या प्रमाणात चांगल्या अॅप्सची उपलब्धता हे आयफोनचं सर्वात मोठं वैशिष्ट्य आहे . अॅपलच्या अॅप स्टोअरवर ७ लाखाहून अधिक अॅप्स उपलब्ध आहेत . ब - याचशा प्रस्थापित कंपन्या सुरुवातीला आयफोनसाठी अॅप बनवतात नंतर अँड्रॉइडसाठी . कितीतरी काळ इन्स्टाग्राम फक्त आयफोनसाठीच उपलब्ध होतं . फेसबुकनेही त्यांचं नवीन अॅप सुरुवातीला फक्त आयफोनसाठी उपलब्ध करून दिलं नंतर अँड्रॉइडसाठी . ट्विटर आणि फेसबुकचे आयफोन अॅप अतिशय उत्तम आहेत . त्यामुळे पोस्ट टाकणं अगदीच सहज होतं . पासबुकसारखी काही आयफोनसाठीच बनविलेली अॅपही याठिकाणी आहेत . मोबाइल पेमेंट क्षेत्रात कार्यरत असलेल्या स्क्वेअर कंपनीने त्यासाठी ही सुविधा देऊ केली आहे . याच्या सेटअपसाठी खूप वेळ लागत असला तरी फायदेही आहेतच . सर्वात महत्त्वाचे म्हणजे तुम्ही अॅपलच्या सिस्टीममध्ये उदा . की - बोर्ड बदलण्यासारखे फारसे बदल करू शकत नाहीत . त्यामुळे टेक सॅव्ही नसलेल्या किंवा ज्यांना फारसे बदल करायचे नसतील त्यांना याचा फायदा होतो .

अँड्रॉइड

अँड्रॉइडचा सर्वात मोठा प्लसपॉइंट म्हणजे विपुल प्रमाणात उपलब्ध असलेले मोबाइल्स . सँमसंग , एलजी , मायक्रोमॅक्सपासून कितीतरी कंपन्यांचे अँड्रॉइड फोन बाजारात उपलब्ध आहेत . अगदी गुगलचा नेक्ससही तुमच्यासाठी हजर आहे . अँड्रॉइडचा दुसरा महत्त्वाचा फायदा म्हणजे , तुम्हाला गरजेप्रमाणे यात बदल करता येतात . उदा . स्विफ्ट की हे प्ले स्टोअरवर उपलब्ध असलेले एक आघाडीचे अॅप आहे . यात तुम्ही गरजेप्रमाणे की - बोर्ड बदलू शकता किंवा तुम्ही कोणता शब्द टाइप करणार याचा अंदाज हे सॉफ्टवेअर व्यक्त करते . त्यातून टायपिंग जलद होऊ शकते . आणखी एक गोष्ट म्हणजे याठिकाणी उपलब्ध असलेल्या विविध प्रकारच्या अॅप्स . अॅपल अॅप्स ही डेव्हलपरची पहिली पसंत असली तरी कित्येक अॅप्सला अॅपल मंजुरीच देत नाही . गुगलचं तसं नाही . त्यामुळे गुगलवरही जवळपास ७ लाख अॅप्स आहेत . विंडोज फोन आणि ब्लॅकबेरी हे देखील काही पर्याय आहेत . पण त्यांना अँड्रॉइड किंवा आयफोन इतक्या अॅप्सपर्यंत पोहोचायला खूप वेळ लागेल . (मटावरून).

                                                                                                            Posted By 

                                                                                                             ni3more

नरवीर चिमाजी अप्पा पुण्यतिथी

नरवीर चिमाजी अप्पा 

                                                               

                                                               किल्ले वसई सफर 

                आपल्या वसईला म्हणजे शूर्पारक नगरीला पौराणिक काळापासून ते ब्रिटीश काळापासून असा मोठा ऐतिहासिक वारसा लाभला आहे.

उत्तरेकडे वैतरणा दक्षिणेला उल्हास नदी तसेच पूर्वेला तुंग पर्वत व पश्चिमेला विशाल समुद्र ह्यामुळे वसईला भौगोलिक दृष्टीने खूपच महत्व प्राप्त झाले होते.

अनेक तीर्थक्षेत्र , तलाव, बावखले ह्यांनी वसईची जमीन खूपच सुपीक होती. आशियातील सर्वोत्तम प्रतीची साखर आपल्या वसई मध्ये बनत असे.

शूर्पारक बंदरातून अखाती देशांशी इथे मिळणारे मसाले, साखर ह्या सारख्या अनेक उत्पादनांचा व्यापार चालत असे. बोट बांधणी साठी शूर्पारक फारच प्रसिद्ध होते.

किंबहुना म्हणूनच अनेक परकीय आक्रमण इथे झाली. ई.स. १५१५ च्या दरम्यान पोर्तुगीजांनी ह्या भूमीत पाऊल ठेवले त्यानंतर ई.स. १७३९ मध्ये नरवीर चिमाजी आप्पांनी तीन वर्षे झुंज देऊन पोर्तुगीजांना परास्त केले व वसई परकीय सत्तेपासून मुक्त केली. आधुनिक शस्त्रास्त्रांनी सज्ज असलेल्या पोर्तुगीजांवर पारंपारिक शास्त्रांच्या सहाय्याने मिळवलेला हा विजय महत्वाचा होता.

युरोपीय सत्तेविरोधातील भारतीयांचा हा पहिलाच विजय वसई मध्ये झाला ह्याचा वसई करांना सार्थ अभिमान वाटायला हवा. परंतु ह्या उज्ज्वल इतिहासाची साक्ष देणारा आपला वसईचा किल्ला, अनेक महत्वाचा ऐतिहासिक वास्तू मात्र उपेक्षित अवस्थेत आहेत. वसईतील सुशिक्षित युवा वर्ग हा उपजीविकेसाठी रोज मुंबई व उपनगरांमध्ये प्रवास करत असतो ह्या धकाधकीच्या जीवनात ह्या सार्यांचा विसर पडत चालला आहे. पण तरीही सोशल नेटवर्किंगच्या माध्यमातून एकमेकांच्या संपर्कात राहणाऱ्या अनेक युवकांनी एकत्र येऊन आपल्या वसईचे ऐतिहासिक महत्त्व जाणून आपल्या अस्तित्व आणि आदर्शाच्या रक्षणासाठी प्राण पणाला लावून झुंजणाऱ्या नरवीर चिमाजी अप्पा व २२००० शहीद मराठा सैन्याला आदरांजली देण्यासाठी...हि स्फूर्ती यात्रा काल काढली होती.

होय स्फूर्ती यात्राच कारण इथून पुढे आपल्याला लढाचय ते वसईतील निसर्ग समृद्धी जपण्यासाठी... अनेक तलाव बावखले, हिरव्यागार पानफुलांच्या वाड्या आता नसता होत चालल्या आहेत... ते वैभव जपण्यासाठी मोहीम हाती घ्यायची आहे म्हणून हि स्फूर्ती यात्रा काल निघाली होती!!!    

                  आज चिमाजी अप्पाची आज १७ डिसेंबर २०१२  पुण्यतिथी असल्याने काल दिनांक १८ डिसेंबर २०१२ रोजी चिमाजी अप्पाच्या पराक्रमाला सलाम करण्यासाठी आणि मानवंदना देण्यासाठी आणि वसई किल्ला जिंकताना चिमाजी अप्पानी   किती महत्व पूर्ण भूमिका निभावली होती आणि मराठ्यांचा इतिहास कळण्यासाठी फेसबुक वरील वसई लाईव ह्या ग्रुप ने पुढकार घेवून हि यात्रा आयोजित केली होती ह्या यात्रेत मी आणि माझ्या मित्रांनी आवर्जून हजेरी लावली. हि यात्रा सकाळी ८ वाजता चिमाजी अप्पा स्मारकापासून पासून सुरुवात झाली. सर्वात पहिला चिमाजी अप्पांच्या पुतळ्याला मानवंदना देऊन मग हि यात्रा पुढे सरकत गेली. जवळ जवळ शंभर ते दीडशे इतिहास प्रेमींनी ह्या यात्रे मध्ये सहभाग घेतला होता.ह्या यात्रे मध्ये चिमाजी अप्पांनी आणि त्यांच्या मावळ्यांनी कसा हा किल्ला काबीज केला आणि आपल्या पराक्रमाची शिकस्त कशी दिली पोर्तुगीजांना त्याची इत्त्म्भूत माहिती देण्यात आली.

                                                                                                    Posted By

                                                                                                     ni3more

१२ १२ १२.....

              

                हजार वर्षातून आला तो दिन 

                                                                     १२ १२ १२  !!!

                                                                जगण्याच्या वाटेवरती 

                                                             तारेवरची कसरत करताना 

                                                                    वाजले आपले 

                                                                    १२ १२ १२  !!!

                                                            या दिवसाचे औचित्य साधुनी 

                                                                 दिवस साजरा करूया 

                                                                       १२ १२ १२  !!!

                                                               ऐक मुखाने शपथ घेवूया

                                                               जगण्याच्या या वाटेवरती

                                                                आयुष्य हे निर्मल बनवूया 

                                                                   प्रगतीची ह्या वाटेवरती 

                                                                  बाराचे हे निमित्त साधुनी 

                                                                      साजरा करूया दिन 

                                                                          १२ १२ १२  !!!

                                                                                                                       Posted By

                                                                                                                         ni3more

                                       

१२-१२-१२ एक खास दिवस!

या वर्षी आलेली १२-१२-१२ ही एक क्वचितच येणारी तारीख आहे. पुन्हा अशी तारीख येण्यास एक हजार वर्षे उलटावी लागतील. यावर्षी १२ ही संख्या एकाच दिवशी तीन वेळा येत असल्याने या दिवसावर १२ या संख्येचाच प्रभाव राहील. समान अंकी तारखा या क्वचितच येतात आणि म्हणूनच ते दिवस काही खास वैशिष्ट्ये होऊन येतात. या दिवसाचे महत्त्व काय आहे ते जाणून घेणे म्हणूनच महत्त्वाचे आहे.

१२ या संख्येला आपल्याकडे अतिशय महत्त्व आहे. मूल जन्माला आले की १२ व्या दिवशी बारसे करतात व माणसाच्या मृत्यूनंतरही १२ व्या दिवशी बरेच विधी केले जातात. १२ तास झाले की अर्धा दिवस संपतो त्याचप्रमाणे वर्षाचे १२ महिने हा कालगणनेचा महत्वाचा टप्पा आहे. आपल्या शास्त्रकारांनी संपूर्ण मानव जातीला १२ राशींमध्ये समाविष्ट केले आहे. धार्मिक दृष्टीकोनातून भगवान शंकराची १२ ज्योर्तिलिंगे प्रसिद्ध आहेत. १२ हा अंक पूर्णत्वाकडे नेण्याचा संकेत देतो. उदा. १२ महिने झाल्यावर १ वर्ष संपते, १२ वाजल्यावर १ दिवस संपतो वा सुरू होतो. दुपारचे १२ हे अर्धा दिवस निश्‍चित संपल्याची खूण असते.एखाद्या गोष्टीचे किंवा व्यक्तीचे १२ वाजले म्हणजे त्याचा सत्यानाश झाला किंवा सर्व संपले असा अर्थ होतो. त्या अर्थाने १२ वाजले हा शब्दप्रयोग आपल्याला परिचित आहेच.

माझ्या अनेक वर्षांच्या ज्योतिष विषयक आणि इतर संशोधनातून माझे असे मत आहे की, १२ ही संख्या राहूच्या अमलाखाली येते. माझ्यामते राहू हा कर्म स्थानाचा मालक आहे आणि त्यामुळे तुम्हाला मिळालेले आशीर्वाद आणि शाप जे भूतकाळात घडून गेलेले असतात त्याचा परिणाम तुम्हाला वर्तमान काळातही जाणवतो. माणसाचे अंतर्मन साठवलेले असते आपण रोज आंघोळ करून शरीर स्वच्छ करतो, कपडे धुतो परंतु आपले मन स्वच्छ करत नाही. १२-१२-१२ या दिवशी सकाळी उठून आपण जर आपल्या अंर्तमनात साचलेली घाण, भूतकाळातील जळमटे काढून टाकली आणि अंतर्मनातील नकारात्मकता (निगेटीव्हीटी) काढून जर सकारात्मकता आणण्याचा प्रयत्न केला तर आपला फायदा होईल. कपडे धुण्यासाठी जरी वॉशिंग मशीन असले तरी मन धुण्यासाठी अद्याप मशीन निघालेली नाही. त्यामुळे हा प्रयत्न स्वत:लाच करावा लागेल. 

ज्यांना शत्रूवर विजय मिळवायचा आहे व ज्यांच्या पत्रिकेत राहू अतिशय प्रभावशाली आहे त्यांनी या दिवशी शत्रू निर्मूलनासाठी योजना आखल्यास त्याचा फायदा होईल. ज्यांच्या पत्रिकेत राहू हा सकारात्मक आहे त्यांच्यासाठी अनेक चांगल्या गोष्टींचे नियोजन करणे हे अनेक पटीने फायद्याचे होऊ शकते.

या दिवसाचा फायदा घेऊन अनेक लोकांनी आपल्या व्यवसायाची सुरूवात, नवीन जागांचे उद््घाटन तसेच लग्न करणे इ. कार्यक्रम आयोजित केले आहेत. मात्र या दिवशी सुरू केलेल्या उपक्रमांचा आपल्याला फायदा होईल की तोटा, हे आपल्या पत्रिकेतील किंवा हातावरील राहूची स्थिती कशी आहे? यावर अवलंबून आहे. यासाठी जाणकारांकडून जरूर ते मार्गदर्शन घेतल्यास बरे होईल. ज्या गोष्टींना आपण शापित किंवा अशुभ म्हणतो त्यावरही १२ या अंकाचा आणि राहू या ग्रहाचा प्रभाव असतो. अशा वास्तू आणि तुमचे अंतर्मन शुद्ध करण्यासाठी हा दिवस उपयुक्त आहे. आपले वर्तमान आणि भविष्य अधिक सुकर करण्यासाठी वाचकांनी असा प्रयत्न अवश्य करावा.

                                             - शीला तासगावकर, ज्योतिष अभ्यासक

                                                                                            (लोकमतवरून)

आता, मोबाईल वरून पाठवण्याद्वात येणाऱ्या एसमएस लेन्स रे वाचू शकतो.

Subject : Science & Technology.

Now, SMSs can be projected on your contact lens

PTI | Dec 10, 2012, 05.53 AM IST

LONDON: Scientists have developed a new technology that allows electronic messages sent from mobile phones to be directly projected on to contact lens placed in the recipient's eyes. 

The technology, developed by Belgian researchers, allows information such as text messages from a mobile phone to the contact lenses. 

Ghent University's centre of micro-systems technology developed the spherical curved LCD display which can be embedded in contact lenses and handle projected images using wireless technology, The Telegraph reported. 

The new technology allows the whole curved surface of the lens to be used, unlike previous contact lens displays, which are limited to a few small pixels to make up an image. One application suggested by the researchers is a "one pixel, fully covered contact lens acting as adaptable sunglasses" . 

"This will never replace the cinema screen for films. But for specific applications it may be interesting to show images such as road directions or projecting text messages from our smart phones straight to our eye," said professor Herbert De Smet. 

आता, मोबाईल वरून पाठवण्यात येणाऱ्या एसमएस लेन्स द्वारे वाचू शकतो.

लंडन : तंत्रज्ञान क्षेत्रात दररोज काही होईल ह्याचा काही नेम नाही. ह्याच क्षेत्रात संशोधकांनी एक पाऊल पुढे ठेवत एक शोध लावला आहे. डोळ्यात लावण्यात येणाऱ्या लेन्स द्वारेच मोबाईल वरून पाठवण्यात येणाऱ्या एसमएस वाचू  शकणार आहे.

हे  तंत्रज्ञान  बेल्जियमच्या संशोधकांनी शोधले असून मोबाईल वरून पाठवलेले मेसेज थेट कॉन्टॅक्ट लेन्सवर पाहता येतात.घेंट विद्यापीठाच्या सेंटर ऑफ मायक्रो सिस्टीम टेक्नॉलॉजीने अर्धवर्तुळाकारएलसीडी डिस्प्ले तयार केला असून तो कॉन्टॅक्ट लेन्समध्ये बसविता येतो आणि वायरलेस तंत्रज्ञानाच्या सहाय्याने त्यावर इमेज दिसतात.

या नव्या तंत्र ज्ञाना मध्ये अर्धवर्तुळाकारएलसीडी डिस्प्ले हा  त्यामागील कॉन्टॅक्ट लेन्ससचा डिस्प्ले  लहान आकाराची इमेज बनवण्यासाठी सीमित आहे.सिनेमासाठी त्याचा पर्याय कधीच होऊ शकत नाही.  प्रोफेसर हर्बर्ट दे स्मार्ट यांच्या मते विशिष्ठ प्रयोगासाठी काही इमेज रस्त्याच्या दिशेने आपल्या स्मार्ट फोन मधून सीधा आपल्या डोळ्यांसमोर संदेश द्वारे आपल्या समोर परिवर्तीत होतील.

                                                                                                  Posted By

                                                                                                    ni3more